عايز تكسب من الإنترنت ، عايز تكسب وتحول وقت كتير بيضيع منك على النت بدون إستفادة ، عندى ليك الحل ، وحل بسيط جدا .
إفتح قناة على اليوتيوب وإبدا فإنك تكسب فلوس ، عايز تعرف إزاى تكسب من قناة على اليوتيوب خليك معايا .
كتير جدا نجحو وقدرو يحققو نجاح عملاق جدا ويوفرو لنفسهم وقت كتير كان بيضيع عليهم من غير أى إستفادة ، وقدرو يحققو مصدر دخل ، بمجرد فتح قناة يوتيوب ورفع فيديوهات بإسم القناة او إن القناة بتهدف لإيه مثلا : قناة طبخ – قناة تعليم برمجة – قناة فيديوهات مضحكة – قناة للرياضه . أى كانت الفكرة إلى عندك تقدر تحقق بيها نجاح عملاق جدا فى وقت قصير ، وتتقاضى عليها أجر عن طريق الإعلانات على الفيديو بتاعك ، وتوفر لنفسك مصدر دخل أساسى او إضافى
كتير جدا بيسألو كيف أربح من يوتيوب؟ وفى كتير جدا كان عندهم جواب للسؤال دا ، ولكن فى المقالة دى هشرح ليك إزاى أنت تقدر تكسب فلوس من فتح قناة على يوتيوب بـ 3 طرق سهلة جدا .
اول شئ إبدا فى إنشاء حساب gmail ، وعن طريق حساب الـ gmail هتقدر تسجل فى يوتيوب وتفتح القناة الخاصة بيك ، وتبدأ فى صناعة الفيديوهات بتاعتك وتكون محتوى حصرى بمعنى إن الفيديو الى تم رفعه ملكية خاصة وغير مكرر فى يوتيوب بالطريقة دى هتقدر تكسب فلوس من يوتيوب بعد إضافة الإعلانات على الفيديو الخاص بيك، قبل ما تبدأ أدخل أول على يوتيوب وإبحث عن المجال إلى هتختاره وشوف هل موجود بالفعل ولا لا ولو موجود هل أنت عندك طريقة تانية تقدر تقدمه بيها وتشد المشاهدين للفيديو ، وتكسب مشاهدين ليك على القناة .
الطريقة الأولى
بعد فتح القناة ورفع الفيديوهات الحصرية عليها هتفتح حساب تانى فى _جوجل أدسنس _ Google Adsense خدمة عرض الإعلانات على الفيديوهات بـ حساب الـ gmail ، بعد كدا هتطلب من يوتيوب أنه يربط جوجل أدسنس _ Google Adsense بالقناة الخاصة بيك و عرض الإعلانات على الفيديو الخاص بيك وبالتالى هتكون فى بداية تحقيق النجاح أهم شئ أن يكون الفيديو محتوى حصرى .
الطريقة الثانية
شوف اى منتج تقدر تسوق ليه بطريقتك الخاصة وإبداعك فى شرح المميزات الى بيوفرها المنتج للعميل وتقدر تقنع المشاهد إن المنتج دا فعلا منتج جيد ويستحق الشراء ، بتكون أنت حاطط لينك المنتج بعد ما تتفق مع المتجر الى هتسوق للمنتج اللى هــ يتم الإتفاق عليه مثلا : موقع سوق دوت كوم – أمازون – على بابا . بكدا بتكون كل ضغطة على اللينك الى انت حطيته بعميل للمتجر ، وبالتالى بيكون ليك نسبة من الأرباح . الطريقة دى من أفضل الطرق لتحقيق الربح بسرعة جدا
شاهد ايضًا :
- الطريقة الثالثة
- أول شئ إنك تستخدم الطرقتين إلى سبق ذكرهم ليك لأن بالطرقتين دول هتقدر تتعلم و توصل للثالثة ، وهى دى أكبر نجاح ممكن تحققه فى يوتيوب ، بيكون عدد مشهدات الفيديو بتاعك فعال جدا وعندك مشتركين كتير فى القناة بتبدأ فى الخطوة الكبيرة وهى أنك تبدأ تعمل إعلانات للشركات والمصانع كل فيديو بيكون خاص وبتتكلم فيه عن الشركة او المنتج او المصنع إلى بتقدمه فى للمشاهد .
- غير أنك هتححق أرباح هتحصل على شهرة وهيبقى ليك متابعين كتير جدا على قناتك ، وتتعرف على ناس جديدة فى حياتك وتقدر تتواصل معاهم ، وتكون شبكة علاقات جبارة فى كل مرحلة من المراحل المذكورة .
