تحديد فكرة لقناة اليوتيوب الخاصة بيك أمر محير جدا لبعض الناس الى أخدت قرار فى أنها تعمل قناة يوتيوب وتستثمر من خلالها ، ويقدرو يكسبو من خلال الفيديوهات الى بيضيفوها للقناة ، وتعتبر خطوة تحديد فكرة للقناة الى هتتعمل من أهم الخطوات ، وبتكون هى أول خطوة لبداية القناة الخاصة بيك .
الخطوة دى علشان تقدر تنفذها محتاجه عصر للدماغ بمعنى الكلمة ، هتاخد منك وقت ومجهود ولكن النتائج ديما بتكون أفضل فى إنك قدرت تحققها ، فى المقال هوفر عليك مجهود و وقت كبير كان ممكن يضيع منك وانت بتدور على فكرة لقناة اليوتيوب الخاصة بيك ، هقولك على الخلاصة إلى توصلك لفكرة القناة ، وإنك تكون فعلا بتدور على الخطوة دى فأنا سعيد جداٌ بأنك بتقرأ مقالى ، ونبدأ مع بعض توضيح الفكرة.
اول شئ عايز اوضحه ليك إن أنت الشخص الوحيد إلى بتملك فكرة القناة الخاصة بيك ، ولكن هنا هوضح ليك إزاى إن أنت إلى بتمتلك فكرة القناة الخاصة بيك .
أولا
أبدا بالبحث عن أكتر شئ بتحبه فعلا عندك شغف بالشئ دا لدرجة الهوس ، إنت فعلا عندك هوس بشئ واحد فى الحياة ، كل شخص فى الحياة عامة عنده رغبة شديدة فى أمر معين ، أى كانت إيه هى الرغبة دى فـ هيا أكيد أعظم فكرة لمشروع القناة الخاصة بيك على يوتيوب لأنها بإختصار أكتر شئ هتعرف تبدع فيه .
ثانياٌ
فى أشخاص كثير جدا بتختصر كل دا ويبدؤ يقلدو نفس القنوات الموجودة فى يوتيوب ، وتعتبر هيا هيا نفس الفكرة ولكن إختلاف إسم القناة ، وميحققوش فعلا إلى كانو بيحلمو بيه ويتركو القناة بعد الفشل فإنه يقدر يكسب منها ومعرفش يستغل الشئ الى بيحبه فى أنه يكون محتوى الفيديو الى بيصنعه ، ويقدر يحقق أعلى قدر من المشاهدات للفيديوهات الموجودة على القناة الخاصة بيه ، لأنها أساسا فكرته هو وإبداعه هو ومحدش هيقدر يقلده لانه بالفعل بيحب الشئ دا ، ديما أمن بإنك مميز ومبدع فى الشئ إلى بتقدمه للناس بالتأكيد أنك هتنج .
ثالثا والأهم
أكثر شئ بتحبه بحياتك هو نفس الشئ الى أنت محتاجه هنا ، وليكن أنك بتحب الكتب والقرأة وديما مطلع على أخر الأعمال من الكتب وبتقرأ كتير فى أى مجال ، إختار من بين كل المجالات إلى بتقرأ فيها المجال الى فعلا أنت واثق أنك تقدر تأدى فيه دور أكثر من رائع ، وإبدا فى أنك تهتم بالمجال وتقدر تلخص كل الكتب الى قرأتها ، وإيه هو الى أنت إستنتجته من قرأتها ، كأنك بتحلل الكتاب بالظبط ، وتسجل فديوهات بتلخيصك ليها ، سهل جدا على اى حد فعلا بيحب شئ فى الحياة لدرجة الهوس إنه يبدأ حالا . دا مثال على فكرة معينة انت وحدك قادر على إتخاذ قرار فكرة القناة ، لأنك أكتر واحد عارف أنت بتحب إيه فى الحياة .
رابعاٌ أهم وأهم
بعد تحديد أكتر شئ أنت بتحبه فى حياتك ومقتنع بأنك أكتر واحد فى الحياة تقدر تأبدع فى الشئ دا ، أقدر أقولك أنك نجحت فعلا وحققت مكاسب كتير جدا من القناة الخاصة بيك على يوتيوب ، أول شئ لازم تفكر فيه بعد تحديد فكرة القناة هو : إستراتجية القناة بمعنى إنك هتأدى الفكرة بنفسك كتسجيل فيديو ليك وأنت بتشرح وليكن الكتاب او بتلخص ملاحظاتك عنه او هتقدم محتوى صور من الكتاب مع صوتك فقط او هتقدم محتوى كتابى فقط … إلخ
الأفكار الإستراتجية للقناة كتير حدد أى منهم مناسب ليك ، وتوكل على الله أولا وأخراٌ وثق يا عزيزى القارئ أنى أتمنى من الله أن تكون قد إستفدت مما قدمت إليك .
